෴ සරෝජා - මා තොටින් එන උතුරු හුළඟේ ෴

 ~ Maa thotin ena uthuru hulange~

මා තොටින් එන උතුරු හුළඟේ
ගිණි සිඹින මඩු පල්ලියේ
දෑස් අග මුතු කඳුලු හංගන
සරෝජා මගෙ දෝණියේ
වෙඩි හඬට පොඩි අකුරු ඇදවෙයි
මක් කරන්නනද පැංචියේ
ගුරුතුමී මා සිසුවියයි නුඹ
ඒත් අපි එක පංතියේ...

කරවටේ අත දමා හිනැහුනු
කෝ නුඹේ පොඩි යාළුවන්
දයාවක් නැති ලෝකයක් දැක
උන් ගිහින් පැන මායිමෙන්
තාත්තා හීනෙන් ඇවිත් අත වනන
තුරු කඳවුරු දොරින්
කාටවත් නැති දුවේ කවුරුන්
නුඹ රකීවිද සෙනෙහසින්...

මන්දිරේ දොර නුඹව කැඳවයි
බේබිලා හඬනා හඬින්
මායිමේ වැට හඬගසයි හෙට
අවි දරා රකිනා ලෙසින්
දමා ගොදුරට කෙලෙස යන්නද
ඒත් යන්නට වෙයි ඉතිං
වරක් දැක සිත නිවාගන්නට
දුවේ ඩින්ගක් හිනැහියන්...




ගායනය - දීපිකා ප්‍රියදර්ශනී

෴ චොකලට් කෑල්ල මගෙ ෴

~ Choclate kalla mage ~

එක දෙක මොණර කාසි පර්ස් එකට එන්නෙ
දැන් පුල් අාතල් එකේනෙ මම හිඳින්නෙ
වැරදුනා යම් තැනක මට දැන් හැඟෙන්නෙ
කෙල්ලට දන් දීලා රිම් එකෙන් උන්නෙ //

චොකලට් කෑල්ල මගෙ සූකිරි බට්ටියා මගෙ
ඔයාව නොලැබුණොත් අනෙ පනිනවා ලෝකාන්තෙ
ඉස්සර කිව්වාට අනෙ ආයෙත් නෑ කියන්න‍ෙ
ඉස්සර කිව්වාට අනෙ ආයෙත් නෑ කියන්න‍ෙ

පංතිත් කට් කරලා ඉන්නෙ ඇය බලන්න
කරුමෙට සෙට්වුනා මගෙ වත හිඳෙන්න
තිබුණට බූට් සොමිය මේ හඳ පිරෙන්න
දැන් දුක නෑ ඉතුරු වෙනවා හැම සතේම

චොකලට් කෑල්ල මගෙ...

වදයක් නෑ රෑට නෑ මල් කඩන්නෙ
ඉස්සර මෙන් නෑ ඩබල් ටිකට් ගන්නෙ
වියදම දැන් නෑ මචං ඩබල් වෙන්නෙ
බූට් එකක් නමුදු ආතල් එකක්නෙ //

චොකලට් කෑල්ල මගෙ...

Artist - SJS

෴ මගෙ ඇස් වලින් ෴

~ Mage as walin ~

මගෙ ඇස් වලින් වැටෙනා කඳුලක් ඔබට සතුටක් නම්
හිනැහෙන්න මගෙ මේ නෙත් යුගල දෙස බලාගෙන තවකල්
ඔබ මා වෙතින් සමුගෙන ගිහින් අදට සිව් වසරක්
මතුදාක හරි යලි මුණගැහෙන තුරු බලා හිඳිනෙමි මං

ඔබ වෙතට පැමිණෙන්න අවසර නැතත්
එක හිතක උතුරන්න සෙනෙහස ඇතත්
පිළිගන්න බෑ ඔබ මා රැවටුව තරම්
කවදාක හමුවෙයිද අපි ආයෙමත්

මගෙ ඇස් වලින්......

දුක හිතුන හැමවිටම ඔබ සිහිවුනත්
ඔබ නැතිව මට ඉන්න බැරි බව දැනත්
අදහන්න බෑ හැරදා ඔබ ගිය දුරත්
කවදාක හමුවේද අපි ආයෙමත්

මගෙ ඇස් වලින්.......

.
ගායනය - දසුන් මධුෂාන්

෴ කොහේ හරි ඉඳන් ෴

 ~ Kohe hari indan ~

කොහේ හරි ඉඳන් බලාගෙන ඇති
හිතේ කකියන ආදරය ගැන..
මගෙන් වෙන්වු මගේ රන් කඳ
මටත් නොපෙනෙන ලෙසින් හිඳ
තරුවක්ව මා පායනා විට
තරුවක්ව මා පායනා විට
කොහේ හරි ඉඳන් බලාගෙන ඇති
හිතේ කකියනා ආදරේ ගැන..

නුඹේ කඳුලැල් මගේ කඳුලැල්
බොහෝ කල් ගෙන රිදවනා විට.. //
හදාගන්නට ලතවෙනා තැන
ආදරය මට අසරණයිද
හදින් හඬවමින් මුමුණනා මේ
ගීය ඔබමය..

කොහේ හරි ඉඳන් බලාගෙන ඇති
හිතේ කකියන ආදරය ගැන...

නුඹේ හසරැල් මගේ හසරැල්
මුහුදු රැල්ලක ඉකිබිඳින සඳ.. //
වාවගන්නට හිත හයිය නෑ මට
පියවෙලා ඇස් සදහටම නුඹේ
ඈත අහසේ හඬනා රහසේ
තනි තරුව මම..

කොහේ හරි ඉඳන් බලාගෙන ඇති
හිතේ කකියන ආදරය ගැන..
මගෙන් වෙන්වු මගේ රන් කඳ
මටත් නොපෙනෙන ලෙසින් හිඳ
තරුවක්ව මා පායනා විට
තරුවක්ව මා පායනා විට
.

ගායනය - මලික් පෙරේරා