෴ පිය මැන්නේ ෴

~ Piya manne ayida ese ~

පිය මැන්නේ ඇයිද එසේ රිදවාලා ඔබ මතිස මසේ
දුර ගවුවේ මා ඉන්නේ මතකේ රැදුනා ඒ සිතුවිල්ලේ
සෙවනැලි මාවතේ ඇදි ඒ ජීවිතේ රැලි මත සාගරේ
මතුවේවා සදා ඒ සිහිනේ...

සියුමැලි ඔබෙ වත රැදි ඒ දෙකපුල් කී කතා
ඇසේ සවන් පුරවා මගෙ දැහැනේ අත් වැල් බැදගෙන
වැල්ලේ ඇදි ඒ රූ රටා මැකි ගියා රැල්ලේ නිසල රැයේ...

සිප ගත්තේ නැතුව නොවේ සැමදා ඒලෙස බලා ඇයි ඉන්නේ
හද අරනේ රැදුනු සෙනේ පුබුදා සොයනු මැනේ හසරැල්ලේ
නැතුවත් මේ බවේ මතු එන ජීවිතේ සැමදා ඒ සෙනේ
සතුවේවා සදා...

සියුමැලි ඔබෙ වත රැදි ඒ දෙකපුල් කී කතා
ඇසේ සවන් පුරවා මගෙ දැහැනේ අත් වැල් බැදගෙන
වැල්ලේ ඇදි ඒ රූ රටා මැකි ගියා රැල්ලේ නිසල රැයේ..

ගායනය - ජය ශ්‍රී

Credits - Jaya Sri

෴ සල්ලි පොකුරු මිල්ලේ අහුරු ෴

~ Salli Pokuru Mille Ahuru ~

සල්ලි පොකුරු මිල්ලේ අහුරු
සිහින විලේ බඹර රැගුම් පානා
පුංචි රටක පුංචි අපිට
සිහින සැබෑ වෙන්න වරම් ඕනා
සතුටු කඳුළු වැස්ස මතින්
මුතුකුඩ ඉහලන්න අපිට ඕනා
හිතේ සවිය ග‍තේ විරිය
අපිට ඇතිම එකම හිරිය වීලා

මුහුදු හතේ රළ රැල්ලේ
පොර බදලා අපි ආවා
නාග විමන් මකර කටින්
රිංගාලා අපි ආවා

රස්සාවට නගින උදේ
මචෝ කියලයි පිලිගන්නේ
කම්හල නැග බහින තුරා
අපේ දාඩිය තමයි සුවඳ දෙන්නේ
තියන විටදි අත දිග හැර
මිල්ලේ අහුරු සුළඟ වගේ යන්නේ
කඩිසර කම තිබෙන තුරා
අපේ දවස කළ එළි වී එන්නේ

හද කොහෙදෝ ගිහිල්ලා දෝ
හීන් සැරේ මඟ ඇරලා
අපි දන්නා හඳ මාමේ
අපි නම් නෑ පැරදීලා

කටු වටකර තිබුණත්
අපි අතින් කරින් වස්තු අරන් එන්නේ
එහෙම ඇවිත් ගමේදි මේ
සේසත දවසින් වියදම් වෙන්නේ

ආපු ගමන් ආයෙත් යං
මිල්ලෙ සොයන් අපි එනවා
අද යනවා හෙට එනවා
එහා මෙහා ඔහෙ යනවා //

අද යනවා හෙට එනවා
එහා මෙහා ඔහෙ යනවා

ගායනය, සංගීතය - ජය ශ්‍රී

෴ සුදු ඇඳුමින් සැරි ෴

~ Sudu andumin sari ~

සුදු ඇඳුමින් සැරි මුව හසරැල්ලේ
අරලිය ගහ යට සුවිසුරු නිල්ලේ
තනිවන විට මා සමගින්
ඉඟිකර අදි මදි කරමින්
තනිවෙමු සොදුරිය අපි සැනසිල්ලේ

රන් තරු වටකර පායන සඳ ඇදි
සෙවනැලි සිතුවම් රෑ
සිහිනෙන් ඔබ එන විට මා පිබිදෙන්නෑ
අඩවන්වූ දෙනෙතින් ඔබ බැලුකල
මගෙ සිත ඉවසුම් නෑ
කුමරියෙ ඇයි ඔබ තනියම සුසුමන් පෑ
කුමරියෙ ඔබ අද මා ලඟ නෑ

සුදු ඇඳුමින් සැරි.........

ගංතෙර ළග බට පඳුරෙහි
සිරි සිරි හඩ මට සිහිලැල් පෑ
කුළුදුල් ආදර හැඟුමන් විසිරෙන්නෑ
පාසල් යන ඔබ මාවෙත සිහිවන විට
මට ඉවසුම් නෑ
මගෙ සිත තනිවම දොඩවයි සමගින් ඈ
කුමරිය ඔබ අද මා ලඟ නෑ

සුදු ඇඳුමින් සැරි......... //


ගායනය - ජය ශ්‍රී

෴ පියමැන්නේ - ජයශ්‍රී ෴

~ Piyamenne - JayaSri ~

පියමැන්නේ.. ඇයිද එසේ..
රිදවාලා.. ඔබ මාසිත මෙසේ..
දුර ගව්වේ.. මා ඉන්නේ..
මතකේ.. රැඳුණා.. ඒ සිතුවිල්ලේ..
සෙවණැළි මාවතේ.. ඇඳි ඒ ජීවිතේ..
රැළි මත සාගරේ..
මතුවේවා.. සදා ඒ සිහිනේ..

සියුමැළි ඔබේ වත රැඳි ඒ දෙකොපුල කී කතා..
ඇසේ සවන් පුරවා මගේ දැහැනේ..
අත් වැල් බැඳගෙන වැල්ලේ ඇඳි ඒ රූ රටා..
මැකී ගියා රැල්ලේ නිසල රැයේ..

සිත ගත්තේ.. නැතුව නොවේ..
සැමදා.. එලෙස බලා.. ඇයි ඉන්නේ..
හද අරණේ.. රැඳුණු සෙනේ..
පුබුදා.. සොයනු මැනේ.. හසරැල්ලේ..
නැතුවත් මේ භවේ.. මතු එන ජිවිතේ..
සැමදා ඒ සෙනේ..
සතු වේවා.. සදා ළඳුනේ..

සියුමැළි ඔබේ වත රැඳි ඒ දෙකොපුල කී කතා..
ඇසේ සවන් පුරවා මගේ දැහැනේ..
අත් වැල් බැඳගෙන වැල්ලේ ඇඳි ඒ රූ රටා..
මැකී ගියා රැල්ලේ නිසල රැයේ.. //


ගායනය - ජය ශ්‍රී

෴ ශීලා - ජයශ්‍රී ෴

~ Sheela - JayaSri ~

( ශීලා මේ ගීතයෙන්වත් දැනගන්න මගේ හදවතේ දුක... )

බැලු බැලු හැමතැනම සිහිනෙන් වාගේ..
සැඟවුනු සේයාවන් මදෙසේ ඇඳේ..
සුළඟේ පාවී.. මගෙ ගී යාවී..
ඇසුනොත් එනවාදෝ සොඳුරියේ මාගේ..

මා හට සැරවීලා (හෙයි..) කොහෙදෝ යන්නේ මෙසේ..
සිත රිදවන්න එපා.. හද බැඳි ආදරේ..
තනිවීලා (හෙයි..) මා ඉන්නේ කෙලෙසේ..
ඒවීදෝ මාගේ කුමාරී...

ලොවම නැවතිලා නිහඬයි වාගේ..
තනිකම පාළුව දැවටී හදේ..
දුරකථනයකින් ඔබ අමතාවී..
සිතමින් ඉන්නෙමි තනි ලෝකයේ..

මා හට සැරවීලා (හෙයි..) කොහෙදෝ යන්නේ මෙසේ..
සිත රිදවන්න එපා හද බැඳි ආදරේ..
තනිවීලා (හෙයි..) මා ඉන්නේ කෙලෙසේ..
ඒවීදෝ මාගේ කුමාරී...

( තනිවූ යහනට එනවිට.. තවමත් ඔබේ සුවඳ දැනේ මට..
සිහිනෙන් ඔබේ රුව දැකගන්නවත්.. වරම් ලැබේද මට.. )

ඔබෙ ලස්සන ඇස්දෙක වෙනෙකෙකු හට ලැදි වෙන්න එපා..
ඒවීදෝ.. ඒවීදෝ.. ඒවීදෝ.. මාගේ කුමාරී...

මා හට සැරවීලා (හෙයි..) කොහෙදෝ යන්නේ මෙසේ..
සිත රිදවන්න එපා හද බැඳි ආදරේ..
තනිවීලා (හෙයි..) මා ඉන්නේ කෙලෙසේ..
ඒවීදෝ මාගේ කුමාරී...

ශීලා ශීලා හේ.. ශීලා ශීලා හෝ.. (ඔබ යලි ඒවීදෝ)
ශීලා ශීලා හේ.. ශීලා ශීලා හෝ..
ඕ.. ඕ.. ඕ.. ශීලා ශීලා හේ.. ශීලා ශීලා හෝ.. (මා සැමදා තනිවේදෝ)
ශීලා ශීලා හේ.. ශීලා ශීලා හෝ..
ඒවීදෝ මාගේ කුමාරී... 


ගායනය - ජය ශ්‍රී