෴ කලේ පැන් ඇත ෴

~ Kale Pan Atha ~

කලේ පැන් ඇත නැවුම් රහ නැත

මොකද මන්දා ලිඳට වූයේ

පුළුස්සගත් රොටි‍ය කරවී

මොකද මන්දා ලිපට වූයේ

හදාගත් ලුණු මිරිස රහ නැත

මොකද මන්දා දිවට වූයේ..

සැලේ ගහකොළ සුළඟ ඇත එද

සිහිළ කොයි අත ගියාදෝ

කෝල බව මුසු සිනා හඬ නැත

සවන් බිහිරිව ගියාදෝ...

පුරුදු නිවහන නුහුරු වීනම්

කාට මේ ගැන කියන්නෙම්

කාට මේ ගැන කියන්නෙම් මම

බිරින්දෑ නෑ ගම් ගොහින්..

Artist - Sunil Edirisingha

෴ ශිල්ප සොඳින් ෴

 ~ Shilpa Sondin Danaganna ~

ශිල්ප සොඳින් දැනගන්න ගිහින් නුඹ

යහතින්දෝ කොළොම්පුරේ

ඉන්න නොවේ මියැදෙන්න හිතයි මට

නුඹ නැති හන්දා මං තනියේ

හැන්දෑ අවරට දැක්කද නංගෝ

තුරුළු වෙලා ඉන්නා ජෝඩූ

රංචු මිසක තනියෙන්ම නොයන්නේ

ඒ නුවරට උඹ කිරිකෝඩූ

නාමල් සුවඳක් පෙරදා වාගේ

අද නැහැ නොවැ ඇළ ඉස්මත්තේ

නාමල් සුවඳට බඹරු ඇදේදෝ

මගතොට නුඹ යනෙනා වාරේ

Artist - Sunil Edirisingha

෴ සදාකාලික නොවූ ලෝකේ ෴

 ~ Sadakalika Nowu Loke ~

සදාකාලික නොවූ ලෝකේ

සදාකාලික ප්‍රේමයක්

සොයා නෙක ගම් දනව් පීරා

ගෙවූ කාලය සිහිනයක්//

මගේ දුක දැක ඔබේ හදවත

උපන් කඳුළින් සේදිලා

ඔබේ වත නොව ඔබේ හදවත

සරා සඳ සේ පෑදිලා

එදා ළඟ සිට දුටුව නුඹ නොව

මෙදා දුර සිට මා දකින්නේ

සදාකාලික නොවූ ලෝකේ

සදා කෙලෙස ද පෙම් බඳින්නේ

Artist - Sunil Edirisingha

෴ රුදුරු තුරු වදුලේ ෴

 ~ Ruduru Thuru Wadule ~

රුදුරු තුරු වදුලේ

තියුණු කටු අතරේ

දිලෙන සියුමැලියේ

ඔබයි ජීවන සුවඳ දෙන්නේ

‍රෝස කුසුම ‍මගේ

මහදේ රන්සුමුගේ ඔබ තබලා

නිරන්තරේ රැක ගනිමි පුබුදුවලා

සුවඳ විඳිමින් හිදිමි සෑමදා

දෑස ‍වැසෙන තුරා

මිහිරී රූසිරි මිහිරී ජනනියේ

සිත සැනසේ ඔබ දසුනේ

මුදුමතී මුදුමතී

සිත සැනසේ ඔබ දසුනේ

Artist - Sunil Edirisinghe

෴ පැන මඩ කඩිති ෴

 ~ Pana Mada Kadithi ~

පැන මඩ කඩිති වැවු තාවුලු වැහි කාලේ

පෙන්වා මග නොමග නොවැටී යන තාලේ

සිප් කිරි පෙවූ මූසිලයින් උඩු මාලේ

අපෙ ගුරුතුමා යයි තාමත් ඉස්කොලේ

සාමා අමර විකුණති බස් පොලේ කජු

කුමාරෝද පිටු දන්දෙති එයින් මතු

උගත මනා ශිල්පය පිල් කඩ නොපැතූ

වේවැල වටා ඉකිබිද දඩුවමක් පැතූ

රන්මසු පට පිලී අභරණ උරණ වෙලා

සමන් පිච්ච කැකුලිය ගෙයි මිලින වෙලා

ගුරු නිවහනේ කදුලට උල්පතක් වෙලා

ලොකු හාමිනේ ඇත බිතු සිතුවමක් වෙලා

Artist - Sunil edirisinghe

෴ අවපස අහසක තරු ලකුණක් සේ ෴

~ Awapasa Ahasaka Tharu Lakunak Se ~

අවපස අහසක තරු ලකුණක් සේ

අපමණ සයුරක තුරු දසුනක් සේ

දිගු දිවි ගමනේ ඉම ඔබ රැඳුනේ

මාවත අවහිර නිමවා දල රළ පෙළ සැතපෙනවා

සැලමුතු සෙනෙහස මද පවනක් වී

ගැඹරේ නිම මුමුණනවා

දෝතක අසෙනිය ගවසා

ඔබ පෙරමග හිනැහෙනවා

විකසිත සිහිනේ සුබ කවියක්වී

දෙනෙතේ සිත ලියැවෙනවා

Artist - Sunil Edirisinghe

෴ පුංචි සාවියේ ෴

~ Chandra Mandale Sathapunu Punchi Sawiye ~

චන්ද්‍ර මණඩලේ සැතපුණ පුංචි සාවියේ

මන්ද කියාපන් නොකියා හැංගිලා ගියේ

පාන නිවුණ සේ පාළුයි ලැයිම් කාමරේ

මන්ද නුඹ ගියේ කියපන් පුංචි සාවියේ

ලාභ රත්තරං දිලිසෙන පාළු වීදියේ

ගෑණු ළමයි පියාඹලා ඉස්සරත් ගියේ

උන්ට සෙයිළමේ මග තොට පාර වැරදුනේ

අන්න ඒ නිසයි මට දුක රත්තරං දුවේ

මාල බැදන් සුදු යකඩින් රෝස මල් වනේ

මාල ගිරව් ගේ දොරකඩ සිංදු කිවු වෙලේ

හීනෙනුත් හිතුනෙ නෑ මට මොකද කාරණේ

පාර මතක නම් තාමත් ගේ ළඟයි දුවේ...

Artist - Sunil Edirisinghe

෴ වන්නි වනපෙතේ ෴

 ~ Wanni Wanapethe ~ 

වන්නි වනපෙතේ ගම් දනව් පුරා නිවහන

වංක ගිරි වනේ වෙසතුරු සදිසි පියවරුන්

අත් මුදුන් තබා බැතියෙන් වන්දනා කරම්

කන්ට බෑ කියා තනිවම එන්ට යැයි කියා ගමටම

බත් බුලත් නිතර දන් දුන් පියවරුන් වෙතින්

ජාත වී ඇතත් පූරුවෙ කරන ලද පවක් පල දී

බින්න බැස හිඳී නගරය අසල දූ පුතුන්

කල්පකාලයක්

පරපුර දුන්නු දන් ඇතත් හිත තුළමාසෙකට වරක් ලැබෙනුයෙ

සොච්චමක් බැවින් කන්ට ගත් ගමන් බත් පත

කවුරුවත් එතැයි බිය වැදදොර ජනෙල් වසා තනිවම බුදිති බෝ දුකින්

Artist - Sunil Edirisinghe

෴ දෙවැනි බුදුන් ලෙස ෴

 ~ Dewani Budun Lesa ~ 

දෙවැනි බුදුන් ලෙස ලොවම උවම් කල

ලොවක පිදුම් ලද ලොවට උතුම් ළඳ

අම්මා අම්මා අම්මා අම්මා

දෙසවන් සනහා මා නැළවූ ඔබ

මියුරු මියැසියේ අරුත කියාදුනි

ඒ මියැසිය අද මා ගයනා විට

මා සිප ගන්නට ඔබ මා ළඟ නැත

අම්මා අම්මා අම්මා අම්මා

ඇසට හඬන්නට කඳුළැලි දුන් ඔබ

ලතැවුල් දරනා දිරිය ලබා දුනි

ඒ දිරියෙන් ලොව ජය ලබනා විට

මා සිප ගන්නට ඔබ මා ළඟ නැත

අම්මා අම්මා අම්මා අම්මා

Artist - Sunil Edirisinghe

෴ මහ වැස්සක් බිමට හලා ෴

~ Maha Wassak Bimata Hela ~

මහ වැස්සක් බිමට හලා නිදහස් වූ අහසක් සේ

ඔබ නිසොල්මනේ එපා හිඳින්න...

ඔබේ නිහඩ බව මට බෑ දරාන ඉන්න

අනේ තව ටිකකින් හිනාවෙලා කතා කරන්න

ඔබේ නිහඩ බව මට බෑ දරාන ඉන්න...

විරසක සුසුම් මහගෙයි පුරා ඇසෙන්නේ...

කවුළු දොරින් ගෙට එන නිදි නැති අටවක සඳ

තනි යහනේ සරදම් රටා වියන්නේ...

විස කටු ඇනී ආතුර වූ සිතට ඔබේ

ඔබ මට කියාදුන්න සෙත් කවියක් කියන්න

නිවැරදි මිනිසුන් කොයි දෙසද ඉපදුනේ..

Artist - Sunil Edirisinghe

෴ අද දීගෙක ගිය නුඹ මට ෴

~ Ada Deegeka Giya Nuba ~

අද දීගෙක ගිය නුඹ මට බුලත් අතක් දීලා

යන්න පිටත් වූ මොහොතේ මගේ දෙපා වැදලා

එතෙක් සිනාවෙන් සිටිමා කොහෙදෝ තනි වීලා

නෙතේ කදුලු සිරකරගෙන සිටියෙමි ඉවසාලා

පුංචි නංගියේ මගේ පුංචි නංගියේ

පුංචි නංගියේ මගේ පුංචි නංගියේ

මා සිටියත් ඉවසාගෙන නෙතේ කදුලු නොසලා

අප දෙන්නා දිහා බලා උන් අම්මා දැකලා

ඇගේ නෙතෙන් කඩා හැළුනු කදුලු මතක් වීලා

කවුරුත් නැති තැනකට වී හැඩුවෙමි තනිවීලා

පුංචි නංගියේ මගේ පුංචි නංගියේ

පුංචි නංගියේ මගේ පුංචි නංගියේ

අද දීගෙක ගිය නුඹ මට බුලත් අතක් දීලා

යන්න පිටත් වූ මොහොතේ මගේ දෙපා වැදලා

එතෙක් සිනාවෙන් සිටිමා කොහෙදෝ තනි වීලා

නෙතේ කදුලු සිරකරගෙන සිටියෙමි ඉවසාලා

පුංචි නංගියේ මගේ පුංචි නංගියේ

පුංචි නංගියේ මගේ පුංචි නංගියේ

Artist - Sunil Edirisinghe

෴ පිණිබර යාමේ ෴

~ Pinibara Yame ~

පිණිබර යාමේ සැවුලන් හඬලනවා

අම්මා වටකර ලිප ගිනි මැලවෙනවා

කොළඹ රේල්ලුව රජ ගමනක එනවා

නැගිටින් පුතුනේ බිම්මල් හිනැහෙනවා....//

පුතුනේ අකුරට යන්න පමාවී

ගුරු සිත රිදිලා වේවැල් හඩවාවී

ගඟේ ඇලේ පැන තෙප්පම් පැදලා

මුරණ්ඩු වුදා.... දුක්වේවී අම්මා...

වේල දෙව්ලේ කුසගිනි නොබලා

කඩමලුඇන්දත් පින්කඳ බැබලෙනවා

කලට රුවන් වැසි වස්සන කාලේ

ශිල්ප උගත් දා... නුඹ සක්විති වෙනවා.....

පිනිබර යාමේ.......

Artist - Sunil Edirisinghe

෴ සන්තාප මාවතේ ෴

 ~ Santhapa Mawathe ~ 

සන්තාප මාවතේ සංවේදනා මැදුරේ

සංවේගයෙන් දන්වා සිටින්

වෙන්වීම මා ඇගෙන්...

තරුවක් ලෙසින් වැලපී හඩා රැයේ

දැරියක් හිදී තනිවී දෙමංසලේ

නොසැලී වැටී කදුලක් ඇගේ නෙතේ

හඩගා කියයි නටඹුන් අතීතයේ..

සන්තාප මාවතේ....

හසරැල් මැකී පිපිමල් මුවේ ඇගේ

සිහිලැල් සිදී හදවිල් තලේ මගේ

සද තාරකා අදුරේ නිවී ගියේ

ඇය මා සෙවූ සෙනෙහෙ නිමාව සේ..

සන්තාප මාවතේ...

Artist - Sunil Edirisinghe

෴ මල්ලියේ නරක මිතුරන් ෴

 ~ Malliye Naraka Mithuran Piliganna Epa ~

මල්ලියේ නරක මිතුරන් පිලිගන්න එපා..

නංගියේ නොහොබිනා කම් හුරු වෙන්න එපා..

බෝගම්බර සිපිරිගෙදරට එන්න එපා..

හතුරෙකුට වත් මට වන් දුක වෙන්න එපා..

දළදා මැදුරේ තේවා හඩ රැව්දෙනවා..

කල පව් මතක් වී දෑසම තෙත් වෙනවා..

සියක් වාරයක් මැරි මැරි උපදිනවා..

තිබහට වතුර වෙනුවට කදුලැලි බොනවා..

ලැබුවේ අවවාද නොහිබින ආරකය..

දුදනන් නිසා විය සෙනසුරු මාරකය..

මම පෙර ගියේ වරදින් පිරි පාරකය..

ඒ ගිය මගේ අවසානය පෝරකය..

Artist - Sunil Edisinghe

෴ රන් සමනලයෝ පුංචි කැකුලියෝ ෴

 ~ Ran Samanalaoyo Punchi Kakuliyo ~ 

රන් සමනලයෝ පුංචි කැකුලියෝ
දේදුන්නේ නැඟිලා //
මීදුම් සළුවේ, තුරු මල් උයනේ
කොයි යන්නේ පියඹා
රන් සමනලයෝ පුංචි කැකුලියෝ
දේදුන්නේ නැඟිලා

පෙම්බර ආල හිතේ ගී නොවෙදෝ ගැයුවේ
මොළකැටි බාල වියේ ඒ හුරතල් කොතැනේ
මව් දෑතින් මිදුණාදෝ
යෞවනයේ මත් වීදෝ

රන් සමනලයෝ පුංචි කැකුලියෝ
දේදුන්නේ නැඟිලා //

ලද මනමාල හිතේ ආදරයේ සුවඳේ
තව නොදිටීද ලොවේ ජීවිතයේ අරුමේ
මල් යහනා පැතුවාදෝ
ඒ යහනා හමුවේදෝ

රන් සමනලයෝ...

ගායනය - සුනිල් එදිරිසංහ
පද රචනය: ප්‍රේමකීර්ති ද අල්විස්
සංගීතය: සරත් ද අල්විස්

෴ එක යායේ කකා වැටී ෴

 ~ Eka yaye kaka wati ~


එක යායේ කකා වැටී - එකා වගේ එකට ඉදී
එක පවුලේ උපන් ලෙසේ - කල ආරක්ෂා
නාස් ලනුව දමනවාලු - කරත්තයක බදිනවාලු
අපට හිටිය ලපටි කැකුළු නාඹර වස්සා

ගෙට ආ කල ටිකිරි ලියා නුඹ වේවිලු කබරගොයා..
ලිදට ගියත් අවසරයක් ගන්නට වේවී
දල ගලවා අතේ තියා නුඹ නටවයි ඒ ළමයා
පනවාලා දරුණ දණ්ඩ බන්ධන නීති

එක යායේ කකා වැටී...

වලට වැටුනු එකා යකා වලටම ඇද ගනු මිසකා
වලෙන් උඩ ට එන්නට අත දෙන්නට කැමති
නෑදෑ හිතවතෙක් නැති ඒ ගැන හිතුවොත් යෙහෙකි
කසාදෙ නම් කසාය හරි තිත්ත බෙහෙතකි

එක යායේ කකා වැටී...



ගයනය : සුනිල් එදිරිසිංහ, එඩ්වඩ් ජයකොඩි, බන්දුල විජේවීර
පද රචනය : ප්‍රේමකීර්ති ද අල්විස්
සංගීතය : එච්. එම්. ජයරත්න

෴ නිම් තෙරක් නොදුටු මේ ලෝකයේ ෴

~ Nim therak nodutu me lokaye ~

නිම් තෙරක් නොදුටු මේ ලෝකයේ
රුදු සපුන් නිබඳ සරනා බිමේ
ඔබේ සිනා වත මගේ නවාතැන
අරුණු විහිදුවාවී ජීවිතයේ

රැල් නගා ගලන ගංගා දියේ
මං වසා දමනු හැකිදෝ කෙසේ
සොයා සයුරු දිය හඹා ඇවිත් ගඟ
සදා සැඟව යාවී සාගරයේ

සිල් බිඳී මුවන් කැලඹූ වනේ
බිම නොලා නෙලූ පල මාවතේ
සදා ඔබේ ගිම් බෙදාගනිම් මම්
තැවුල් සැඟව යාවී මාරුතයේ

.
ගායනය -   සුනිල් එදිරිසිංහ

෴ සඳකඩ පහනක කැටයම් ඔපලා ෴

~ Sandakada pahanaka ketayam opala ~

සඳකඩ පහනක කැටයම් ඔපලා..
පාවෙන දේදුනු ලැගුම් ගනී..
කැලතුනු රසයක පැන ආ බුබුලක්..
අකුරු වැලක් දෙහදක ලියවෙයි..
යුගයෙන් යුගයට නොමියෙන දහනක..
දිවියක පදනම මතුවෙද්දී..
නොපෙනෙන ඈතක ඈ ගෙන යනවා..
සියුමැලි කැකුලක් මැලවෙද්දී..
සියුමැලි කැකුලක් මැලවෙද්දී..

දහසක් පෙති මත රහසක් කොඳුරා..
තුඩින් තුඩට ගෙනයන බිංදූ..
ගව්වක් ඉහලට ගොනුකොට රඳවා..
පොපියන දෙතොලක් එහි කැන්දූ..
අහසක් ගුගුරා කළුවක් වපුරා..
ඒ හා මුහුවුනු වැහි බිංදූ..
ඈ ගෙන යද්දී නටබුන් අතරේක..
තවකෙක් ඈ වෙත හද රැන්දූ..
තවකෙක් ඈ වෙත හද රැන්දූ..

සඳකඩ පහනක.........

හදවිල ඉපැදුනු කැකුලක් නොකලෙක..
නටුවෙන් ගලවා දුරක යවා..
මිහිලිය තෙත්කොට ගිලිහුන කඳුලක්..
සත්සමුදුරකට මුහුව ගියා..
ඔබට උරුම වූ රිදුනු තැවුනු හද..
එක්ටම් මැදුරක කවුලු අරා..
රුවන් විමානේ පියඹා එනතුරු..
පොපියන හදවත සිටියි බලා..
පොපියන හදවත සිටියි බලා..
සිටියි බලා....


ගායනය - සුනිල් එදිරිසිංහ